Aztibb.az xəbər verir ki, tədbirdə Səhiyyə Nazirinin müavini Nadir Zeynalov, TƏBİB-in İdarə heyətinin sədri Vüqar Qurbanov, ÜST-ün Azərbaycan nümayəndəliyinin rəhbəri Hande Harmancı, Avropa İttifaqının Azərbaycan üzrə nümayəndəsi Peter Mixalko, eləcə də müxtəlif dövlət tibb müəssisələrinin əməkdaşları və KİV nümayəndələri iştirak edib.

 

Tədbirdə “Sağlamlıq üçün həmrəylik təşəbbüsü” və “COVID-19 əleyhinə vaksinasiyaya dəstək” layihələri çərçivəsində 2021-ci ildə görülmüş işlərin yekunlarına dair təqdimatlar dinlənilib, davamlı tibbi təhsil fəaliyyətlərini dəstəkləyən tibb müəssisələri və tibb işçiləri sertifikatla təltif edilib.

 

Dövlət Gömrük Komitəsinin Tibbi Xidmət İdarəsi də davamlı tibbi təhsil fəaliyyətlərini dəstəkləyən müəssisə olaraq müstəsna əməkdaşlığına görə sertifikata layiq görülüb.

 

Tədbirdə Tibbi Xidmət İdarəsini Dövlət Gömrük Komitəsinin Tibbi Xidmət İdarəsini rəis müavini, tibb xidməti mayoru, t.ü.f.d., dosent İsmayıl Əfəndiyev və Elmi-Təcrübi və Tədris Mərkəzinin mütəxəssisi Şəhla Mirzəzadə təmsil edib.

 

ÜST-ün Azərbaycan nümayəndəliyinin rəhbəri Hande Harmancı İsmayıl Əfəndiyevə sertifikatı təqdim edib.

 

İsmayıl Əfəndiyev öz növbəsində Dövlət Gömrük Komitəsi Tibbi Xidmət İdarəsinin rəisi, Əməkdar həkim, tibb xidməti general-mayoru Ceyhun Məmmədovun təşəkkürünü çatdırıb. O, Tibbi Xidmət İdarəsinin həyata keçirdiyi tibbi təhsil tədbirləri və gələcək planlar barədə məlumat verərək, elmi-təcrübi tədris fəaliyyətlərinin təşkilindəki bu uğurlu əməkdaşlığın davamlı olacağına inamını ifadə edib.