17 fevral 2022-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı ilə "Qaraciyər transplantasiyasında anesteziya və reanimasiyaya müasir yanaşma-yeni texnologiyaların tətbiqi" mövzusunda beynəlxalq elmi konfrans keçiriləcək.

 

Bu barədə Aztibb.az-a Mərkəzi Gömrük Hospitalından məlumat verilib.

 

Bildirilib ki, qaraciyər transplantasiyasında anesteziya və reanimasiyaya dair müasir yanaşmaların, eləcə də yeni texnologiyaların tətbiqi ilə bağlı məruzələrin dinləniləcəyi konfrans "ZOOM" platforması üzərindən həyata keçiriləcək.

 

Yerli və beynəlxalq ekspertlərin məruzələri ilə yanaşı, konfrans panel müzakirələr və sual-cavab sessiyaları vasitəsilə interaktiv şəkildə davam etdiriləcək.

 

Beynəlxalq konfrans proqrama uyğun olaraq cərrah-transplantoloq və anestezioloq-reanimatoloqlar üçün nəzərdə tutulub.

 

Proqramın 80 faizini tamamlayan hər bir iştirakçıya DTT balı və sertifikat veriləcək.

 

Yerlər məhdud olduğu üçün qeydiyyatdan keçmək mütləqdir!

 

Konfransda iştirak ödənişsizdir. 

 

Qeydiyyatdan keçmək üçün link: https://forms.gle/YPLp49atEwBorGPFA

Proqramla tanış olmaq üçün link: customshospital.az