Koronavirus pandemiyası başlayandan bəri Ukraynanın Daxili İşlər Nazirliyinin əməkdaşları arasında təxminən iki min nəfər COVID-19 virusuna yoluxub.

Aztibb.az xəbər verir ki, bu barədə “Ukrayna 24” kanalına açıqlamasında Daxili İşlər nazirinin müavini Anton Qeraşenko deyib.

Onun sözlərinə görə, əhali ilə sıx təmasda olduğundan, koronavirusa yoluxma riski böyük olan 87 min polisə əlavə olaraq 2,6 milyard qrivna ödəniş edilib.

A.Qeraşenko bildirib ki, polislər arasında koronavirusa yoluxma hallarının daha da artacağı gözlənilir. Bunun qarşısını almaq üçün öncədən profilaktik işlər görülür.