Cərrah, mama-ginekoloq Təravət Məmmədova Endometriozis xəstəliyi barədə fikirlərini Aztibb.az-a bölüşüb.

Təravət Məmmədova Endometriozisin qadınlarda ən çox rast gəlinən və daha çox müraciət edilən problemlərindən biri olduğunu bildirib. Qeyd edib ki, Endometriozis xəstəliyi endometrial vəzilərin stromanın uşaqlıq xaricinə çıxması ilə biruzə verən xəstəlikdir.

"Ümumiyyətlə, bu xəstəlik gənc yaşlıların xəstəliyidir, çünki estrogen hormonuna bağlı olan xəstəlikdir. Estrogen hormonu klimakterik dövrdə azaldığı üçün bu xəstəlik də adətən menopauzadan sonra öz-özünə geriləyir. Qadınlar arasında çox geniş yayılmış bu xəstəlik heç bir simptomu olmayan xəstələr arasında 6-11% arasında adətən rast gəlinir".