Bu barədə Aztibb.az-a Kliniki Tibbi Mərkəzdən məlumat verilib.

 

Bildirilib ki, Günel Şüküri Kliniki Tibbi Mərkəzin tabeliyində olan 2 saylı Kliniki Uşaq Xəstəxanasının həkim-infeksionisti, Şahsənəm Yusifova isə həmin xəstəxananın həkim-pediatrı təyin edilib.

 

Qeyd olunub ki, 1994-cü il təvəllüdlü Günel Şüküri Azərbaycan Tibb Universitetinin məzunudur. O, 2017-2021-ci illərdə Kliniki Tibbi Mərkəzdə “İnfeksionist” ixtisası üzrə rezidentura təhsilini davam etdirərək həkim-mütəxəssis adı alıb.

Şahsənəm Yusifova isə 1987-ci ildə Bakı şəhərində anadan olub. O, Azərbaycan Tibb Universitetinin Pediatriya fakültəsində təhsil alıb. 2012-2017-ci illərdə K.Y.Fərəcova adına Elmi-Tədqiqat Pediatriya İnstitutunda ixtisası üzrə rezidentura təhsilini davam etdirib və həkim-mütəxəssis adını alıb. Daha sonra Şahsənəm Yusifova K.Y.Fərəcova adına Elmi Tədqiqat Pediatriya İnstitunun Anesteziologiya, Reanimasiya və İntensiv Terapiya şöbəsində həkim-pediatr vəzifəsində fəaliyyət göstərib. Rus, ingilis, alman, türk dillərində sərbəst danışa bilir.