Aztibb.az xəbər verir ki, bunu həkim Cavid Hüseynzadə deyib. O, bildirib ki, proqrama əsasən, Avropa İttifaqı ölkələri, ABŞ və Türkiyədə təhsil almış və orada çalışan həkim-mütəxəssislərin Azərbaycanda işə cəlb olunması və buradakı həkimlərlərlə xaricdə qazandıqları təcrübəni paylaşmaları nəzərdə tutulur.

⠀

Dəvət olunacaq həkimlər əsasən Bakı, Gəncə və Sumqayıt şəhərlərində yerləşən xəstəxanalarda çalışacaqlar. Proqram çərçivəsində hər il 100 nəfər həkim-mütəxəssisin cəlb olunması və onlara 6500 manat civarında həvəsləndirici maaşın ödənilməsi nəzərdə tutulur:

 

"Düşünürəm ki, bu layihə ölkə səhiyyəsində müsbət dəyişikliklər və inkişafa səbəb ola bilər. Beləliklə, yerli həkimlərin diaqnostika sahəsində innovasiyalar və yeni müalicə standartları barədə məlumat almaq imkanı olacaq.

⠀

Qeyd etmək lazımdır ki, həkimlərin bu işdə əsas motivasiyası ölkə təbabətinə öz töhfəsini vermək istəyidir. Nəzərə alsaq ki yuxarıda göstərilən məbləğ Almaniyada asistent həkimin aylıq maaşına bərabərdir xaricdə çalışan həkimlərin ölkəyə geri dönüşünü stimullaşdıracaq dəyişikliklərə ehtiyac var".

⠀

Həkim qeyd olunanları nəzərə alaraq bir sıra təkliflər irəli sürüb. O, Almaniyada alınmış “FACHARZT” diplomunun və elmi adların diplomununun Azərbaycanda ASAN təsdiqlənməsi və komanda işinin vacibliyini vurğulayıb.

 

"Tibb ilk növbədə komanda işidir və ona görə də bu iş fərdi yox, komanda şəklində həkimlərin gətirilməsi ilə təşkil olunmalıdır", - deyə o, əlavə edib.