"Dəmir kimi olmaq istəyirsinizsə, "dəmir”lə qidalanın", - deyən həkim bildirib ki, burada tərkibində dəmir olan qida məhsullarından nəzərdə tutulur. Qida rasionunda belə məhsulların olması olduqca vacibdir. Dana, ördək, dovşan əti, qaraciyər, yumurta sarısı, kök, sarmısaq, soğan. qurudulmuş meyvələr, alma, əncir, nar, üzüm, şaftalı, armud, balıq kimi qidaarın tərkibində dəmir mövcuddur.

 

 

Dəmir qan tərkibinin ən vacib maddələrindən biridir. Hemoqlobinin yaranmasında iştirak edən dəmir qırmızı qan hüceyrələrinin tərkib hissəsidir. Hemoqlobin bədən üzvlərinə oksigen çatdıran maddədir. Əgər orqanizmdə dəmir çatışmazlığı varsa, bu qanın qırmızı hüceyrələrinin az olması deməkdir. Belə olan halda qanda hemoqlobinin səviyyəsi aşağı düşür və toxumalar lazımınca oksigenlə təmin oluna bilmir.

 

Həmçinin dəmir immuniteti gücləndirir, metabolik proseslərdə iştirak edir, fiziki və əqli işin məhsuldarlığını artırır, orqanizmi enerji ilə təmin edir.