Koronavirusun omikron ştamı infeksiyanın digər variantlarından çox fərqlidir. Azərbaycanda omikron ştamına yoluxma hallarının sayı gündən-günə artır. Həkimlər vətəndaşları bütün sanitar-epidemioloji qaydalara əməl etməyə və vaksinin buster dozasını vurdurmağa çağırır.Omikron ştamından özünüzü necə qorumalısınız? Özünüzdə omikron ştamının ilk əlamətlərini hiss etdikdə, nə etməli?
Aztibb.az xəbər verir ki, Mərkəzi Gömrük Hospitalının təcili yardım həkimi Bəylər İmanov CBC telekanalına bu barədə danışıb.
Həkim bildirib ki, omikronun simptomları digər ştamlara nisbətən daha yumşaqdır. Bu burun axması, baş ağrısı, asqırma, boğaz ağrısı, hərarətdir.
“Xəstələr bu ştamı daha yüngül keçirirlər. Ölüm sayı da azdır, amma yenə də var. Və buna görə də, hər kəs omikron ştamının ilk əlamətlərini hiss etdikdə, başqalarını yoluxdurmamaq üçün dərhal özünü təcrid etməlidir. Omikron ştamının sürətlə yayılması insanların, xüsusən də risk altında olanların vaxtında peyvənd edilməsini tələb edir” ,- deyə B.İmanov qeyd edib.
Videosüjeti təqdim edirik: https://youtu.be/JQQLnxL4dNI
