Azərbaycan Tibb Universitetinin (ATU) Tədris Cərrahiyyə Klinikasında rezidentlər üçün növbəti seminar keçirilib.
Aztibb.az xəbər verir ki, seminarda Rezidentura və magistratura şöbəsinin müdiri, professor Məlahət Sultanova təşəbbüsün özləri tərəfdən irəli sürüldüyünü və belə tədbirlər davamlı olacağını bildirib.
Sonra Ümumi cərrahlıq kafedrasının müdiri, professor Elçin Ağayev “Parenximatoz üzvlərin parazitar və qeyri-parazitar sistlərinin laparoskopik müalicəsinin bəzi aspektləri" mövzusunda məruzə ilə çıxış edib. Məruzəçi qaraciyər sistləri, onun laparaskopik müalicə üsullarından danışıb, həmçinin rezidentlərə gələcəkdə aparacaqları əməliyyatlar zamanı üzləşəcəkləri vəziyyətlərlə bağlı məsləhətlər verib.
Qeyd edək ki, seminarda klinikanın rezidentlər üzrə məsul şəxsi, assistent Namiq Xəlilov da iştirak edib.