Nektarin xaricdən şaftalıya bənzəyir, amma onun üstü tüksüz və daha sığallı olur. Nektarinin tərkibində fruktoza, saxaroza, orqanik turşular (alma və sirkə), polifenol, C və P vitaminləri, pektin maddəsi, fosfor, kalium, kalsium, maqnium, dəmir, kükürd və s. var. O daxili sekresiya vəzilərinin fəaliyyətini artırır, pis və çətin həzm olunan yağların orqanizm tərəfindən sorulmasını sürətləndirir. Nektarinin tərkibində olan A və E vitaminləri, antioksidantlar dərinin elastikliyini artırır.

Nektarinin tərkibində olan pektin birləşmələri orqanizmdən zərərli maddələrin xaric olmasına səbəb olur. Nektarin orqanizmdə xərçəng hüceyrələrinin əmələ gəlməsinin qarşısını alır. Ürək döyüntülərinin zəifləməsi zamanı, qan azlığında, mədə turşuluğunun miqdarı artdığı zaman, qəbizlik zamanı yeməyə 15 dəqiqə qalmış nektarin şirəsi içmək çox faydalıdır. Vaxtaşırı nektarin şirəsi içmək arterial təzyiqin və ateresklerozun profilaktikasında çox xeyirlidir.

Aztibb.az C vitamini ilə zəngin nektarinin faydalarını təqdim edir:

- dəridə olan xırda qırışları açır;

- çapıqların sağalmasını sürətləndirir;

- xərçəng hüceyrələrinin əmələ gəlməsinin qarşısını alır;

- A,C, kalium və fosfor baxımından zəngindir;

- lifli olduğuna görə, diyetdə olanlar üçün əvəzsizdir;

- protein və yağ baxımından zəif meyvədir;

- tərkibindəki minerallar sayəsində həzm sistemini yaxşıladırır;

- qəbizlik problemi yaşayanlar üçün ideal meyvədir;

- sidikqovucu xüsusiyyəti var;

- bağırsağın və mədənin dostudur;

- bağırsaq qurdlarını ilə mübarizə edir;

- böyrək daşı yaranmasını önləyən meyvədir;

- əzələ və oynaq ağrılarını yüngülləşdirir;

- immun sistemini gücləndirib, ağrıları sakitləşdirir;

Nektarinin ZƏRƏRLƏRİ
 

Nektarindən həddindən çox yemək çəkinin artmasına səbəb olur. Şəkərli diabetdən və allergiyadan əziyyət çəkənlərə də bu meyvədən istifadə edərkən ehtiyatlı olmaq tövsiyə edilir. 7 yaşından kiçik uşaqlara da çox nektarin yemək tövsiyə edilmir. Nektarin ləpəsinin çəyirdəyində güclü zəhər olan sianid turşusu var.