"Bəzən valideynlər əməliyyatdan öncə və ya sonra anadangəlmə ürək qüsurlu uşaqları belə müayinələrə aparmağa tərəddüd edirlər. Lakin bilmək lazımdır ki, exokardioqrafik müayinələrin heç bir ziyanı yoxdur. Zərərli müayinələr əsasən rentgen şüaları ilə bağlıdır. Exokardioqrafiya müayinəsi isə yalnız ultrasəs dalğalar üzərindən işləyən cihazla aparıldığından, hansısa təhlükəsi yoxdur".

 

Kardioloq Elşən Rzayev qeyd edib ki, ATU-nun Tədris Cərrahiyyə Klinikası ən son texnologiyalara uyğun tibbi avadanlıqlarla təchiz olunub. Klinikada müasir tələbələrə cavab verən mövcud cihazlar hər cür kardioloji diaqnostika aparmağa, bütün növ ürək qüsurlarını aşkarlamağa imkan verir.

 

Xatırladaq ki, ATU-nun Onkoloji Klinikası, Regional İnkişaf Birliyi və Azərbaycan Könüllü Həkimlər Assosiasiyasının dəstəyi ilə həftə sonları müxtəlif ixtisaslı həkimlərin regionlara səfərləri təşkil olunur. Layihə çərçivəsində ikinci Vətən müharibəsi qazilərinə, şəhid ailələri üzvlərinə müxtəlif profilli tibbi xidmətlər göstərilir. Həmçinin, ATU klinikalarında da mütəmadi olaraq belə müayinə aksiyaları təşkil olunur. E.Rzayev bu kimi aksiyaların da bir sıra xəstəliklərin vaxtında aşkarlanması və önlənməsi üçün mühüm əhəmiyyət kəsb etdiyini deyib.