Sinədə təzyiq (ağrı) – infarktın əsas əlaməti döş qəfəsində, sinədə olan yandıran, göynədən ağrıdır. Bu ağrı sol qola, sol kürəyə yayılır, bəzən hətta sağ tərəfə, boyuna, çənəyə də yayılması mümkündür. Ağrı 20 dəqiqədən çox, adətən saatlarla davam edir. Bu zaman istirahət və ya nitroqliserin qəbulu effektsiz olur.

 

C.Gülmalıyev qeyd edib ki, sinə ağrısı infarktdan xəbər versə də, bəzi xəstələrdə qarının yuxarı hissəsində mədəyə təsir edən ağrılar da ola bilər. Belə vəziyyətdə bu narahatlığın mədə ilə əlaqəli olduğu düşünülə bilər və xəstə problemə diqqətli yanaşmaz.

 

"İnfarkt zamanı hüceyrə ölümü 20 dəqiqədən sonra başlayır və 6-cı saatda canlı ürək əzələsinin 90% itkisi müşahidə edilə bilər. Buna görə də, infarkt zamanı müalicə mümkün qədər tez tətbiq olunarsa, ürəkdə əzələ zədələnməsinin qarşısını böyük ölçüdə almaq mümkün olacaq", - deyə uzman həkim əlavə edib.