Çin alimləri apardıqları geniş araşdırmalar nəticəsində qərara gəliblər ki, qəhvə, çay və mate kimi içkilər içərkən qida borusu xərçənginin inkişaf ehtimalı var.

Aztibb.az xarici KİV-ə istinadən xəbər verir ki, mütəxəssislər bunu maye qəbulu zamanı qida borusunun selikli qişasının termik zədələnməsi ilə izah ediblər. Onlar xəbərdarlıq ediblər ki, bu içkilər, tərkibinə daxil olan maddələrdən asılı olaraq, xərçəngə səbəb olmaqla yanaşı, əksinə, onun yaranmasının da qarşısını ala bilər.

Tədqiqat zamanı yüksək temperaturlu içkilər və isti yeməklərlə bağlı əlaqəni öyrənilməsinə yönəlmiş çoxlu araşdırmalar nəzərdən keçirilib. Əksər hallarda, temperatur amili sağlamlığa mənfi təsir göstərib, bununla əlaqədar alimlər belə qənaətə gəliblər ki, isti içkilər içmək qida borusu xərçənginin inkişaf riskinin artmasına şərait yarada bilər.