Hər il yanvar ayının sonuncu bazar günü qeyd edilən Ümumdünya Cüzam Günün məqsədi cüzam xəstələrinə yardım etmək, ictimaiyyətin diqqətini bu problemə yönəltməkdir.

Aztibb.az xəbər verir ki, cüzam – insanda yaranan xroniki infeksion xəstəlikdir. Xəstəlik 1871-ci ildə Norveç həkimi Q.Hansen tərəfindən kəşf edilib.

Vaxtilə Qədim Misirdə, Yaxın Şərqdə, Yaponiyada, Hindistanda geniş yayılan xəstəliyin əlamətləri bunlardır:

- sümükdə ərimə
- əzələ qrupunun tədricən nazikləşib yox olması
- görmə qabiliyyətinin itməsi
- daxili orqanlarda müəyyən dəyişikliklərin əmələ gəlməsi və s.

Ölkəmizdə cüzam xəstələrinin sayı çox azdır və son illər ona rast gəlinmir.

Bu xəstəliyə mübtəla olanlar Respublika Cüzam Xəstəxanasında dövlət vəsaiti hesabına müalicə olunurlar.