Həkim qeyd edib ki, damar genişlənməsi nə yaş, nə də cins məhdudiyyəti tanımır. ️Müalicə edilməzsə, damarlarda çatlar və partlamalar, xroniki venoz çatışmazlıq, tromboflebit, trofik xora, hətta damar tutulması ilə ağırlaşaraq ölümcül nəticələrə səbəb olar.

 

 

- Aşağı ətrafların varikoz genişlənmiş damarları günortadan sonra şişkinlik görünüşü ilə xarakterizə olunur. Şişkinlik bir ayaqda və ya hər iki ayaqda görülə bilər. Şişkinlik əsasən dizdən aşağı, xüsusilə topuq nahiyəsində əmələ gəlir. Həmçinin dəri səthində göyərmə müşahidə olunur.

 

- İş gününün sonu ayaqda yaranan yorğunluq və ağırlıq hissi damar genişlənməsinin ilkin göstəriciləridir və varikoz damarların inkişafından xəbər verir.

 

- Damar genişlənməsinin əsas xarakterik əlaməti üfüqi vəziyyətdə şişkinlik və yorğunluğun əhəmiyyətli dərəcədə azalmasıdır.