O, bildirib ki, dializ xəstələrində normal həyat fəaliyyəti çox böyük bir ölçüdə pozulur. Onlar bir çox fiziki və psixoloji stresə məruz qalır. Elə ən böyük stres səbəblərindən biri dializ prosedurunun özüdür:

 

"Bundan başqa, dərmanlar, pəhriz tutmaq məcburiyyəti, iş qəbiliyyətinin azalması, bir aparata bağlı olma düşüncəsi, cinsi funksiyaların azalması, cinsi istəksizlik, tez-tez xəstələnmək kimi hallar stres qaynağı ola bilər. Bir pasiyentin xəstəlik dövründəki əhval-ruhiyyəsi, onun xəstəlikdən öncəki şəxsi xüsusiyyətlərinə, dostları və yaxınları tərəfindən göstərilən nəvazişə və bundan başqa xəstəliyin müşahidəsinə (altda yatan xəstəliyə) bağlıdır".

 

Həkimin sözlərinə görə, dializ xəstələrində tez-tez rastlanan psixiatrik problemlər: depressiya, nigaranlıq, müalicəyə cavab verməmək, yuxu pozğunluğu, cinsi funksiyaların pozulması, psixoz və reabilitasiyadakı çətinliklərdir. Psixoloji problemlərdən ən sıx rast gəlinəni depressiyadır. Bunu nəzərə alıb, dializ alan xəstələrinin yaxınları onlara daha diqqətli və daha səbrli davranmalıdırlar. Depressiyadan ən qısa zamanda qurtulmaq üçün mütəxəssis, nevroloq və psixoterapevtə müraciət etmək məsləhət görülür.