Ümumdünya Səhiyyə Təşkilatının (ÜST) rəhbəri Tedros Adanom Gebreyesus dünyanı yeni növ koronavirus pandemiyasının ikinci dalğasına hazırlaşmağa çağırıb.

Aztibb.az “TASS”a istinadən xəbər verir ki, bu barədə T.Gebreyesus Cenevrədə keçirdiyi brifinqdə deyib. O, mövcud pandemiyanın son olmadığını bildirib. ÜST rəhbəri yeni dalğaya əvvəlkindən daha hazırlıqlı olmaq üçün erkən hazırlıqlara başlamağa çağırıb.

“Tarix bizə öyrədir ki, xəstəliklər və pandemiya əslində həyatın bir hissəsidir”, - deyə Gebreyesus qeyd edib.

O, pandemiya ilə mübarizədə əsasən Taylandın yaxşı nəticə əldə etdiyini misal çəkib. Bundan başqa, Monqolustan, Mavriki Respublikası, Uruqvayın xəstəliklə mübarizədə müsbət nəticələrini nümunə göstərib.