Aztibb.az-ın xəbərinə görə, həkim-pediatr Aytən İsmayılzadə hərarət zamanı hələ qədim zamanlardan geniş istifadə olunan aspirin barədə maraqlı faktları bölüşərkən belə deyib.

 

Həkim qızdırma zamanı müraciət edilən, hər bir insan üçün tanış olan üsullardan danışıb. İnsanların ayaqlarını vanna edərək, suya aspirin qatıb içərək və tərləyərək hərarətin düşməsinə nail olduqlarını söyləyib:

 

"İlıq vanna damarları genəldir, hərarətin ətrafa ötürülməsi asanlaşır. Bəs aspirin nə üçün içilmədən tərlədib hərarəti salır?".

 

Pediatr belə izah edib ki, aspirin asetil salisil turşusu kimyəvi yolla istehsal edilmiş bir maddədir. Onun təbii mənbələri isə salisil turşusu şəklində moruq, böyürtkən və s. tərkibində olmasıdır. Eyni zamanda salxım söyüdün qabığında aspirin var. 

 

A.İsmayılzadə əlavə edib ki, aspirinin daxilə qəbulunun vacib olmadığı sübut olunmuşdur. O, dəridən də qana sorulub təsir etmək qabiliyyətinə malikdir.