İkin hesablamalara görə, 2021-ci ilin yanvar-noyabr ayları ərzində ölkə üzrə 19 156 nəfər müvafiq göndərişə əsasən dövlət tibb müəssisələrində aparılması mümkün olmayan, habelə xüsusi tibbi təchizat və təminat tələb edən əməliyyat və xidmətlərlə bağlı müqaviləli tibb müəssisələrinə yönləndirilmişdir ki, bu şəxslərin 541 nəfərini uşaqlar təşkil etmişdir.
Aztibb.az-ın xəbərinə görə, bu barədə məlumat "İcbari Tibbi Sığorta üzrə Dövlət Agentliyinin fəaliyyətinə dair 2021-ci il üzrə ilkin nəticələr" mövzusunda mətbuat konfransında verilib.
Bildirilib ki, 2021-ci ilin yanvar-dekabr ayları ərzində 27 müqaviləli tibb müəssisəsinə icbari tibbi sığorta çərçivəsində göstərilən tibbi xidmətlərlə bağlı Agentlik tərəfindən ümumilikdə 24 milyondan çox vəsait ödənilib.
16 nəfər böyük, 128 nəfər uşağı əhatə edən bu xidmətlərə urologiya, travmatologiya, ümumi cərrahiyyə, ginekologiya və doğuş, oftalmologiya, nevrologiya və s. daxidlir.
