Koronavirusun gələcək variantlarının omikron ştamından daha yoluxucu ola biləcəyi istisna edilmir.

Aztibb.az xəbər verir ki, bunu bazar günü Ümumdünya Səhiyyə Təşkilatının (ÜST) eksperti Maria van Kerkhove bildirib.

"Bu virus nə qədər çox yayılırsa, onun dəyişmək imkanları daha da çoxalır. "Omicron" müzakirə edəcəyimiz son ştam olmayacaq və gələcəkdə narahatlıq doğuran variantların çox real ehtimalı var", - deyə Kerkhove bildirib.

O, əlavə edib ki, koronavirusun yeni ştamlarının xassələri hazırda məlum deyil, lakin onlar şübhəsiz ki, daha yoluxucu olacaqlar, çünki onlar hazırda dövriyyədə olan variantları üstələməlidir.