Növbəti tədqiqat göstərib ki, alkoholun az miqdarda istifadəsi sağlamlıq üçün heç bir üstünlük gətirmir. Şərab qəbulundan sonra ürəyin daha dolğun və funksional işləməyinə dair heç bir sübut yoxdur.
Aztibb.az medikforum.ru-ya istinadla xəbər verir ki, ekspertlər dəfələrlə vurğulayıblar ki, gündə bir qədəh şərab içmək sağlamlıq üçün faydalı ola bilər. Lakin spirtli içkilərin az miqdarda istifadəsinin xeyiri haqqında bu geniş yayılmış səhv fikir Ümumdünya Ürək Federasiyasının ekspertləri tərəfindən təkzib edilib.
Şərab sağlamlıq üçün faydalı antioksidantları özündə saxlayır, amma ekspertlər bildirdilər ki, tədqiqat alkoqolun az miqdarda qəbulunun xeyirini təsdiq etmir.
100 ildən çox ömür sürən insanlar kifayət qədər tez-tez bildirirlər ki, onlar indiyə qədər şərabdan istifadəni dayandırmayıblar. Amma bu içki heç də onların uzun ömürlülüyünün resepti deyil. Bu, genlərin və bəzi xarici amillərin unikal kombinasiyasının təzahürüdür. Reallıq oldur ki, alkoqolun istənilən miqdarı sağlamlıq üçün zərərlidir və onu tamamilə istifadə etməmək daha yaxşıdır. Xüsusilə, sağlam həyat tərzinin sütunlarından biri kimi spirtli içkilərin az miqdarda istifadəsi ideyasını irəli çəkməmək əhəmiyyətlidir.