İstər uşaqlar, istərsə də böyüklər müxtəlif ağrıkəsici preparatlar qəbul edirlər. Xüsusən başağrısından əziyyət çəkən insanlar ağrıkəsicilərdən daha çox istifadə edirlər.
Aztibb.az xəbər veriri ki, həkim-pediatr Elşən Tağıyev bu barədə maarifləndirici məlumat paylaşıb.
Onun sözlərinə görə, aparılan araşdırmalar göstərir ki, müntəzəm olaraq həftədə 2 dəfədən çox ağrıkəsici qəbul etmək sağlamlıq üçün zərərlidir. Bu, "rebound" başağrılarının (dərman başağrılarının) yaranmasına səbəb olur:
"Başağrısı üçün dərmanların həddindən artıq istifadəsi nəticəsində, qəbul edilən dərmanlar getdikcə daha az təsir edir və demək olar ki, gündəlik başağrıları şikayəti yaranır. Buna görə də başağrılarından əziyyət çəkən insanlara ağrıkəsici qəbulu yox, əsas xəstəliyin profilaktik müalicəsi tövsiyə olunur".