Elmi-Tədqiqat Pediatriya İnstitutunda 20 Yanvar - Ümumxalq Hüzn Günü ilə əlaqədar tədbir keçirilib.

Öncə şəhidlərin əziz xatirəsi bir dəqiqəlik sükutla yad edilib.

Tədbirdə institutun həkim kollektivi, o cümlədən Qanlı Yanvar hadisələrinin şahidi olmuş həkimlər 20 Yanvar faciəsinin tarixi xronologiyasını iştirakçıların nəzərinə çatdırıblar. Azərbaycan xalqının misilsiz qəhrəmanlığından, sovet ordusunun öz azadlığı uğrunda mübarizəyə qalxan silahsız insanlara qarşı törətdiyi hərbi cinayətdən söz açıblar.

Daha sonra Elmi-Tədqiqat Pediatriya İnstitutunun direktoru, t.ü.f.d Allahverdi Musayevin başçılığı ilə işçi heyət 20 Yanvar faciəsinin 32-ci ildönümü ilə bağlı Şəhidlər xiyabanını ziyarət edib.

İnstitutun kollektivi Vətən müharibəsində həlak olan şəhidlərimizin əziz xatirəsini ehtiramla yad ediblər. Günahsız olaraq qətlə yetirilmiş oğul və qızlarımızın unudulmaz xatirəsinə dərin hörmət və ehtiram əlaməti olaraq şəhidlərin məzarları önünə tər qərənfillər düzülüb.