Sevinc Ağalari və Çinarə Teymurova Kliniki Tibbi Mərkəzin (KTM) nəzdində olan 5 nömrəli Kliniki Doğum evinə mama-ginekoloq təyin ediliblər.

Bu barədə Aztibb.az-a KTM-ın İctimaiyyətlə əlaqələr bölməsinin müdiri Elnur Hidayətoğlu məlumat verib.

E.Hidayətoğlu bildirib ki, ölkənin bir nömrəli tibb mərkəzi olmağı hədəfləyən KTM tam yenidən qurulur. Burada tibbi heyətdən tutmuş, texniki imkanlara, xəstəxana divarlarına kimi bir sıra yeniliklər həyata keçirilir: "Əlbəttə ki, bütün bunlar icbari tibbi sığortanın sayəsində baş verir. Artıq ölkəmizdə tibbi xidmətlər hər bir vətəndaş üçün əlçatandır, xidmətdə məmnunluğun təmin olunması isə başlıca məqsəddir. Həm həkimlər, həm də sığortaolunanlar üçün geniş imkanların, rahatlığın və qarşılıqlı razılığın əldə olunması üçün bütün tibbi imkanlar səfərbərdir".