Aztibb.az-ın xəbərinə görə, həkim nefroloq Barat Yusubov fistul ilə kateterin fərqini izah edərkən belə deyib.

 

Həkim qeyd edib ki, kateterlərin mənfi tərəflərinə infeksiya riski, qısa vaxtda tıxanması, taxılarkən ürək, ağciyər və damar zədələnmələri daxildir. Kateterin davamlı yerində qalması gündəlik həyatda geyinib-soyunmaqda məhdudiyyətlər yaradır.

 

Süni damar (greft) xəstəyə fistulun taxılması mümkün olmayanda və ya damarın quruluşu fistula uyğun olmayan hallarda tətbiq edilən vasitədir. Süni damarın texniki olaraq tətbiqi daha çətin və maddi cəhəddən daha bahalıdır. Fistulla müqayisədə greftlərin ömrü daha qısadır. Mənfi tərəflərinə laxtalanma, infeksiya, damar genişlənməsi riskləri daxildir.

 

"Hemodializ seansları üçün hansı üsulun daha uyğun olması pasiyent, nefroloq və damar cərrahının birgə qərarı nəticəsində müəyyən edilir", - deyə həkim əlavə edib.