Aztibb.az-ın xəbərinə görə, həkim-pediatr Günay Rəsulova bu barədə məlumat verib. Həkim qeyd edib ki, insanlar qurdu aylarla müalicə etməyə, bir neçə dəfə uşağın bağırsağını yuduzdurmağa, xüsusi aparatlarla qurdu təmizləməyə, sarımsaq və ya imalə etməyə öyrəşiblər.

 

"Lyambliya təmizlənən qurd deyil", - deyə bildirən pediatr əlavə edib ki, bu, ona görə belədir ki, lyambliyanı səhv olaraq qanda yoxlayırlar:

 

"Nəzərə almaq lazımdır ki, lyambliya qurd deyil, ibtidaidir. Qanda lyambliyanın sağalmadığını görürlər. Lakin G antiteli qanda ömürlük olacaq. G uşaq orqanizminə fayda verir. Biz isə onu zərərverici hala gətirirk. Bu vəziyyətdə ziyan görən uşaq olur".

 

G.Rəsulovanın sözlərinə görə, uşaqda lyambliya aşkarlanıbsa, maksimum bir həftəlik kursla onu müalicə etmək olar. Digər adi parazitləri isə bir tabletka ilə aradan qaldırmaq mümkündür. Boş tabletkalar, dərmanlar uşağa parazitlərdən daha çox ziyan verə bilər. 

 

"Cəmi 1 tabletka ilə müalicə mənim kəşfim deyil, bu, dünya protokoludur", deyə həkim valideynləri diqqətli olmağa, qurdu qanda yoxlatmamağa çağırıb.