“Kliniki Tibbi Mərkəz” publik hüquqi şəxsin tabeliyində olan 5 nömrəli Kliniki Doğum Evinə yeni baş həkim təyin olunub.
Bu barədə Aztibb.az-a Tibbi Mərkəzdən məlumat verilib.
Bildirilib ki, Mərkəzin direktoru Könül Ələkbərovun əmrinə əsasən, mama-ginekoloq, tibb üzrə fəlsəfə doktoru Vəfa Hüseynzadə bu qurumun tabeliyində olan 5 nömrəli Kliniki Doğum Evinin yeni baş həkimi təyin edilib.
Qeyd edək ki, Vəfa Hüseynzadə bu vəzifəyə qədər Elmi Tədqiqat Mamalıq və Ginekologiya İnstitutunun (ETMGİ) Zahılıq şöbəsinin müdiri vəzifəsində çalışıb. O, 2009-cu ildə namizədlik dissertasiyası müdafiə edərək, Ali Attestasiya Komissiyasının qərarı ilə tibb üzrə fəlsəfə doktoru adını alıb. 30-dan çox məqalə və tezislərdə müəllif və həmmüəllif kimi iştirak edib.
