Hamiləliyin 5-ci ayından doğulacaq körpənin böyrəyində itirilməsinə gətirib çıxaracaq qədər ciddi problem olduğu məlum olub. 

Körpənin böyrəkdə qarın boşluğu və çanağa qədər uzanan (Ap çap 90 mm) ciddi genişlənmə mövcud olub. Genişlənmə böyrək ləyənin sidik axarına keçən hissəsində keçişin olmaması səbəbindən qaynaqlanıb (Üreteropelvik darlıq).

Aztibb.az-a Mərkəzi Klinikadan verilən məlumata görə, körpənin böyrəyini qurtarmaq şansı olduğu üçün Klinikanın Pediatriya şöbəsinin uşaq cərrahı t.ü.f.d. Fuad Hüseynov və həkim Günel Əmiraslanova tərəfindən cərrahi əməliyyat icra edilib. 

Əməliyyat zamanı qarın boşluğunu və çanağı dolduran böyük ölçülü böyrək ləyəninin olduğu müəyyən edilib, sidiyin axmasına mane olan dar hissə çıxarılaraq sidik axarı böyrək ləyəninə tikilib (Pyeloplastika).

Əməliyyat uğurlu keçib, sidiyin rahat axması təmin edilib.

Hazırda 3 aylıq olan körpənin böyrəkləri normal işləyir və bütün risklərdən uzaq evlərindədir.