Aztibb.az xəbər verir ki, körpə dünyaya 7 aylıq, 900 qr çəki ilə göz açmış, yaşaya bilmək üçün 100 gün reanimasiyada mübarizə aparıb. Səbəb qaraciyərin portal venasında təzyiqin yüksəlməsi, buna bağlı olaraq yemək borusu venalarının 3-cü dərəcə varikoz genişlənməsi olub.

 

Körpə Türkiyənin Ege Universitetinin professoru Orkan Ergünün iştirakı ilə uşaq cərrahı, uzman həkim Fuad Hüseynov tərəfindən uğurla əməliyyat edilib. Əməliyyat zamanı körpəyə portal venada təzyiqi azaltmaq üçün dalaq venası ilə sol böyrək venası arasına uc-yan anastamoz qoyulub, Distal splenorenal şant, koroner və qastroepiploik venalar bağlanıb.

 

Əməliyyatdan sonra aparılan müayinələr zamanı doppler splenorenal şantının işlədiyi görülüb, ümumi vəziyyətində və analizlərdə müsbət dinamika olduğu aşkarlanıb.

 

Körpə hazırda təhlükəli risklərdən uzaq evindədir.