2021-ci ildə buraxılış imtahanlarında sağlamlıq imkanları məhdud şagirdlərin (görmə, eşitmə və nitq qüsurlu) iştirakı təmin olunub.

Bu barədə Təhsil Nazirliyindən məlumat verilib. Bildirilib ki, təhsilə cəlb olunmuş sağlamlıq imkanları məhdud şəxslərlə bağlı məlumat bazası yaradılıb. Bu baza evdə təhsil, xüsusi təhsil müəssisələrində və ya xüsusi siniflərdə, o cümlədən ümumtəhsil məktəblərində inklüziv təhsilə cəlb olunmuş sağlamlıq imkanları məhdud uşaqlar barədə məlumatları özündə əks etdirir.

Qeyd edək ki, 2021-2022-ci tədris ilində Təhsil Nazirliyinin sistemində fəaliyyət göstərən 13 internat məktəbində 4 min 971 şagird, 16 inteqrasiya təlimli təhsil müəssisəsində 6 min 333 şagird, 8 təmayüllü internat tipli təhsil müəssisəsində isə 4 min 439 şagird təhsil alır.