Əgər ailə COVID-19-un geniş yayıldığı bir ərazidə yaşayırsa, lakin onda xəstəlik simptomları yoxdursa, o zaman qeyri-tibbi maskalardan (onlara həm də parça maskalar və yaxud üz örtükləri deyilir) istifadə etmək tövsiyə olunur.

Pandemiya səbəbindən bütün dünyada tibbi maskalar qıtlığı var. Əgər bir insan bu virus səbəbindən ağır xəstəlik riski ilə üzləşibsə (60 yaşdan yuxarı insanlar və ya yanaşı xəstəlikləri olanlar) və yaxud xəstə birinin qayğısına qalıbsa, bu maskalardan istifadə etmək tövsiyə olunur. İnsanda COVID-19 simptomları varsa, ətrafdakıları qorumaq üçün tibbi maska geyinməlidir.

Parça maskalar və ya üz örtükləri müxtəlif materiallardan istehsal olunur və hər bir şəxs onu evdə düzəldə və ya mağazada satın ala bilər. Parça maskaların istifadəsi ilə bağlı tədqiqatlar davam etsə də, onların effektivliyi istifadə olunan parçanın növündən və qatların sayından asılıdır. Ümumdünya Səhiyyə Təşkilatı (ÜST) bu maskaların üç qatlı olmasını və qatların aşağıdakılardan ibarət olmasını tövsiyə edir:

• pambıq kimi absorbent materialdan hazırlanmış daxili təbəqə;
• polipropilen kimi qeyri-toxunma materialdan hazırlanmış orta təbəqə;
• poliester və ya poliester qarışığı kimi qeyri-absorbent materialdan hazırlanmış xarici təbəqə.

Seçilən maska növündən asılı olmayaraq, o, burun, ağız və çənəni bağlamalıdır, eləcə də elastik ilmələr və ya qaytanlarla bərkidilməlidir.