Mərkəzi Klinikadan Aztibb.az-a verilən məlumata görə, yenidoğulmuş sonrakı müayinə və müalicə üçün Mərkəzi Klinikaya köçürülüb, klinikanın neonatal briqadası tərəfindən Neonatal reanimasiyaya təxliyə olunub.

 

Körpəyə süni ventilyasiya cihazı ilə tənəffüs dəstəyi, ürək çatışmazlığı ilə əlaqədar inotrop dəstək, erkən neonatal sepsis səbəbi ilə uyğun antibiotikoterapiya, total parenteral qidalanma tətbiq edilib.

 

Eyni zamanda yenidoğulmuş ROP (vaxtından əvvəl doğulmuş körpələrin göz dibi müayinəsi) müayinəsindən keçib. Oftamoloq tərəfindən lazımi müdaxilələr edilib, nevroloqun, kardioloqun və uşaq cərrahlarının periodik olaraq baxışları, lazımi korreksiyalar tətbiq olunub.

 

"Körpə ilk 2 ayını Yeni Doğulmuşların Reanimasiya və İntensiv Terapiya Bölməsində keçirib, digər 2 ayını isə Pediatrik-Stasionar Bölməsində, anasının yanında nəzarətdə olub. Hazırda həyatının 5-ci ayındadır və sinir sistemi inkişafı, göz dibi və somatik vəziyyətində heç bir patologiya qeyd olunmur", - deyə Klinikadan bildirilib.