Məlum olduğu kimi, ölkəmizdə şəhid ailələrinin yaşayış şəraitinin yaxşılaşdırılması üçün çoxsaylı tədbirlər həyata keçirilir və bu istiqamətdə həyata keçirilən tədbirlər sistemli və ardıcıl xarakter daşıyır. Dövlət başçısının müvafiq fərman və sərəncamları əlil və şəhid ailələrinin sosial müdafiəsinin gücləndirilməsinə müstəsna töhfələr verir.
Şəmkir Rayon Mərkəzi Xəstəxanası dövlət siyasətinə dəstək verərək Aprel döyüşlərinin və Vətən müharibəsinin iştirakçıları və şəhidlərinin valideynlərini işlə təmin edib.
Aztibb.az xəbər verir ki, xəstəxana tərəfindən işlə təmin olunanlar arasında Aprel döyüşlərinin iştirakçısı Həmid Abbasov, Vətən müharibəsində Zəngilan, Xocavənd, Qubadlı istiqamətində qəhrəmancsına döyüşmüş Təbriz Məmmədov, Mirxaliq Hacıyev, eyni zamanda torpaqlarımızın azadlığı uğrunda canlarını qurban vermiş şəhid Telman Qarayev və Seymur Alzadənin valideynləri yer alıb.