Tibbi Ərazi Bölmələrini İdarəetmə Birliyi (TƏBİB) və Respublika QİÇS-lə Mübarizə Mərkəzinin əməkdaşlığı, Azərbaycanda Səhiyyə Sahəsində Beynəlxalq Proqramlar üzrə Ölkə Əlaqələndirmə Komissiyasının təşkilatçılığı ilə növbəti təlim baş tutub.

Tədbirdə TƏBİB-in Davamlı tibbi təhsil və tibbi təlimlər şöbəsinin müdiri Emil İskenderov, Qeyri-infeksion xəstəliklərin təhlili və idarə edilməsi şöbəsinin baş mütəxəssisi Fərid Sinqatulov və tabeli tibb müəssisələrinin rəhbər şəxsləri iştirak ediblər.

Təlimlər zamanı respublikada İİV infeksiyası üzrə epidemioloji vəziyyət, İİV-lə mübarizə istiqamətində Ümumdünya Səhiyyə Təşkilatının tövsiyələrinə uyğun tədbirlərin həyata keçirilməsi barədə geniş fikir mübadiləsi aparılıb.

Məlumat üçün qeyd edək ki, Respublika QİÇS-lə Mübarizə Mərkəzi və Ölkə Əlaqələndirmə Komissiyası ilə sıx əməkdaşlıq çərçivəsində tabeliyində olan (doğuşa yardım, infeksion, invaziv müalicə metodikası tətbiq edən tibb sahələri və digər) aidiyyəti tibb müəssisələrinin rəhbər və həkim heyətinin İİV-lə mübarizə sahəsində biliklərinin təkmilləşdirilməsi məqsədilə mütəmadi olaraq təlimlər həyata keçirilir.