Cərrahın sözlərinə görə, böyrəkdə o qədər ciddi genişlənmə mövcud idi ki, qarın boşluğu və çanağa qədər uzanırdı. Genişlənmənin səbəbi böyrək ləyənin sidik axarına keçən hissəsində keçidin olmaması idi (Üreteropelvik darlıq). Bu vəziyyətin davam etməsi böyrəyi itirməklə nəticələnə bilərdi:

 

"Körpə qız uşağının böyrəyini xilas etmək şansı olduğunu düşündüyümüz üçün cərrahi əməliyyat qərarı verdik. Əməliyyat zamanı qarın boşluğunu və çanağı dolduran böyükölçülü böyrək ləyəni ilə qarşılaşdıq, sidiyin axmasına mane olan dar hissə çıxarılaraq sidik axarı böyrək ləyəninə tikildi (Pyeloplastika). Əməliyyat uğurlu keçdi, sidiyin rahat axması təmin edildi. Hazırda yenidoğulmuş 3 aylıqdır və böyrəkləri normal işləyir. O, bütün risklərdən uzaq böyüməyə davam edir".