ABŞ-ın Ərzaq və Dərmanların Keyfiyyəti Məsələləri üzrə İdarəsi (FDA) "Pfizer" şirkətinin koronavirusa qarşı həblərinin istifadəsinə icazə verib.

Aztibb.az-ın iz.ru-ya istinadən məlumatına görə, bu barədə "Pfizer" şirkətindən bildiriblər.

Məlumata əsasən, FDA "Paxlovid" adı verilən həblərin yüksək risk qrupundan olan böyüklər və 12 yaşdan yuxarı yeniyetmələrin müalicəsi prosesində istifadəsinə icazə verib.

Qeyd edilir ki, həblərin mümkün yan təsirləri dadbilmənin pozulması, ishal, yüksək qan təzyiqi və əzələ ağrısıdır.

Koronavirusun "omikron" ştamından əvvəl aparılan araşdırmalara görə, "Pfizer"in yeni həbləri COVID-19 nəticəsində xəstəxanaya yerləşdirmə və ya ölüm riskini 89 faiz azaldır.