Uzun müddət ölkəmizin özəl klinikalarında çalışan, urologiya sahəsi üzrə Azərbaycanın sayılıb-seçilən həkimlərindən olan Araz İbrahimov bundan sonra Kliniki Tibbi Mərkəzin Urologiya şöbəsinin müdiri kimi fəaliyyətini davam etdirəcək. 

Qeyd edək ki, 33 yaşlı A.İbrahimov Azərbaycan Tibb Universitetinin (ATU) Müalicə işi fakültəsinin məzunudur. O, həkim-uroloq kimi 2011-2013-cü illərdə Respublika Klinik Xəstəxanasında, 2013-2016-cı illərdə ATU-nun Tədris Cərrahiyə Klinikasında, 2016-2018-ci illərdə "Avrasiya Hospital"da, 2018-2019-cu illərdə Bakı Sağlamlıq Mərkəzində, 2019-2021-ci illərdə N.Tusi adına Klinikada, 2020-2021-ci illərdə isə "Medistyle Hospital"da çalışıb. Bir çox elmi konfrans və kursların aktiv iştirakçısı olub.