Ümumdünya Səhiyyə Təşkilatı (ÜST) Pfizer və AstraZeneca koronavirus peyvəndlərinin "omikron" ştamına qarşı effektivliyinin aşağı olduğunu qeyd edib.

Aztibb.az vedomosti.ru-ya istinadən xəbər verir ki, bu barədə təşkilat britaniyalı alimlərin apardığı araşdırmaya istinadən məlumat yayıb.

"İngiltərədə aparılan tədqiqatların nəticələri Pfizer-BioNTech Comirnaty və ya AstraZeneca Vaxzevria-nın iki dozasından sonra "Delta" ilə müqayisədə, "omikron" ştamına qarşı peyvəndlərin effektivliyinin əhəmiyyətli dərəcədə aşağı olduğunu göstərir", - deyə təşkilatın bəyanatında bildirilir.

Bununla belə, qeyd olunur ki, Pfizer peyvəndinin gücləndirici dozasının qəbulundan sonra "omikron"a daha effektiv müqavimət müşahidə olunur.