Görüşdə İTS-in Strateji təhlil departamentinin rəhbəri Araz Nəsirov, Beynəlxalq əlaqələr departamentinin rəhbəri Ruslan Abdullayev, TƏBİB-in Beynəlxalq əməkdaşlıq və protokol şöbəsinin müdiri Ramin Ağayev, Səfirin 2-ci katibi, səfirliyin iqtisadi şöbəsinin əməkdaşı Satoşi Morri, “ “Ot kökləri və insan təhlükəsizliyi qrant yardımı proqramı” üzrə konsultat Takuma Haşimoto və hər iki tərəfin məsul əməkdaşları iştirak edib.

 

Giriş sözü ilə çıxış edən Araz Nəsirov “Ot kökləri və insan təhlükəsizliyi” layihəsi çərçivəsində ucqar rayonlarda tikilmiş tibb müəssisələrinin tibbi xidmətin təşkilində vacib rol oynadığını bildirib. O, ölkəmizdə tətbiq olunan icbari tibbi sığortanın əhəmiyyətindən bəhs edərək gələcəkdə bu istiqamətdə həyata keçiriləcək əməkdaşlığın önəmindən danışıb. A.Nəsirov hazırda işğaldan azad edilmiş torpaqlarımızda abadlıq - quruculuq işlərinin aparıldığını və həmin ərazilərdə vətəndaşlara keyfiyyətli tibbi xidmətin göstərilməsinin, eləcə də texniki bazanın yaxşılaşdırmasının prioritet istiqamətlərdən olduğunu vurğulayıb.

 

Sonra çıxış edən Ruslan Abdullayev TƏBİB-in tabeliyində olan tibb müəssisələrində çalışan işçilərin bilik və bacarıqlarının artırılması, xəstəxanalarda istifadə olunan tibbi ləvazimatların keyfiyyətinin yaxşılaşdırılması üçün Yaponiya səhiyyə sistemi ilə təcrübə mübadilələrinin aparılması istiqamətində əməkdaşlığın əhəmiyyətli olduğunu bildirib.

 

Daha sonra çıxış edən Satoşi Morri Yaponiya hökuməti tərəfindən bu günədək Azərbaycanda 88-i səhiyyə yönümlü olmaqla, 268 layihənin həyata keçirildiyini bildirib. O, bundan sonra gerçəkləşəcək layihələrin İTS və TƏBİB-lə koordinasiyalı şəkildə aparılmasına önəm verildiyini qeyd edib.

 

Tədbir gələcəkdə görüləcək işlərin müzakirəsi ilə davam etdirilib.