Dekabrın 14-də akad. C.Abdullayev adına Elmi Tədqiqat Kardiologiya İnstitutunda (ETKİ) "Respublikamızın bölgələrində kardioloji xidmətin vəziyyəti" mövzusunda toplantı keçirilib.

Aztibb.az xəbər verir ki, tədbiri giriş sözü ilə institutun direktoru, t.e.d. Gülnaz Dadaşova açaraq tədbirin əhəmiyyətindən danışıb.

Tədbirdə ETKİ-nin elmi işlər üzrə direktor müavini, t.e.d. Rəfael Daşdəmirov respublikamızın bölgələrində kardioloji xidmətin vəziyyəti barədə məlumat verib.

Daha sonra Ege hospitalının Kardiologiya şöbəsinin müdiri, həkim-invaziv kardioloq, t.ü.f.d. Ülvi Mirzəyev "Stent for life Azərbaycan" mövzusunda təqdimatla çıxış edib.

Toplantıda ETKİ-nin əməkdaşları ilə yanaşı, İcbari Tibbi Sığorta üzrə Dövlət Agentliyinin Tibbi planlama departamentinin rəhbəri, t.e.d Hikmət İbrahimli, millət vəkili Rəşad Mahmudov, "Baku Medical Plaza" klinikasının Kardiologiya şöbəsinin müdiri, həkim-invaziv kardioloq, t.ü.f.d. Üzeyir Rəhimov, Bakı Sağlamlıq Mərkəzi Ürək Mərkəzinin müdiri, həkim-kardioloq, dos. Fərid Əliyev, Mərkəzi Klinikanın həkim-invaziv kardioloqu, tibb üzrə fəlsəfə doktoru, dos. Firdovsi İbrahimov da  iştirak ediblər.

Mövzu ətrafında geniş müzakirə aparılıb. Respublikamızın bölgələrində kardioloji xidmətin vəziyyətinin yaxşılaşdırılması məqsədilə “Kardioloji dəstək” adlı işçi qrupu yaradılıb.