O, 2016-cı ildə Mayns Tibb Universitetində biokimya sahəsi üzrə hazırladığı dissertasiya işini müdafiə edib və biokimya üzrə “venia legendi” elmi adını alıb. Həmin il bu universitetin professoru elmi adını qazandıqdan sonra Tibb fakültəsində hüceyrənin adaptasiya və metobalizmi üzrə elmi tədqiqat qrupunu yaradıb. Həmçinin univeristetin tədris prosesinə də cəlb olunub. Bu gün də burada “Müalicə işi” fənni üzrə mühazirələr oxuyur, biologiya, kimya, əczazlıq və müalicə işi üzrə elmi-praktiki işlərə rəhbərlik edir.

 

P.Hacıyeva 2009-cu ildən Mayns Universitetində müalicə işi və stomotologiya ixtisaslıarı üzrə buraxılış imtahan komissiyasının üzvüdür. Onun əsas elmi sahəsi tibbi biologiyadır. Mitoxondriyalarda elekrton nəql sistemi, mitoxondriya xəstəlikləri (altseymer, parkinson və s.) sahələrində tədqiqatlar aparır. Gən alimin elmi fəaliyyəti əsasən “Selülar adaptasiya və metabolizm” mövzusuna yönəlib.

 

Almaniyada alimin məşğul olduğu sahələr və elmi problemlər üzrə onlarla elmi məqalə çap olunub. Bundan başqa, “Journal of Alzheimer’s Disease” elmi nəşrinin redaksiya heyətinə daxildir. Bu jurnalın baş redaktorunun müavini və elmi qrupunun rəhbəridir. “Journal of Neurochemistry”, “European Journal of Biochemistry”, “Journal of Neuroscience”, “Free Radicals in Biology and Medicine”, “Neurobiology of Aging”, “Journal of Psychiatry”, “Molecules”, “Journal of Visualized Experiments” və “Neuroscience” kimi elmi nəşrlərdə rəyçi kimi fəaliyyət göstərir.

 

Almaniya Mitoxondrial Xəstəliklər Birliyinin (mitoNET) mütəxəssilər qrupunun və Biokimya və Molekulyar Biologiya Cəmiyyətinin (GBM) üzvüdür.

 

P.Hacıyeva Almaniyada elm sahəsində işləyən həmvətənlərimiz arasında professor elmi adına layiq görülmüş ilk azərbaycanlıdır. İngilis, alman, italyan və rus dillərini mükəmməl bilir.