Ümumdünya Səhiyyə Təşkilatının (ÜST) rəsmiləri koronavirusun "omikron" ştamının "delta" ştamından daha az təhlükəli olduğunu bildirib. Bununla belə, Cənubi Afrikada müəyyən edilmiş "omikron" ştamı "delta" ilə müqayisədə peyvəndlərə daha az həssas ola bilər.

Aztibb.az xəbər verir ki, ÜST-ün mütəxəssisləri belə qənaətə ilkin araşdırmaların cavablarını təhlil etdikdən sonra gəliblər. Qeyd olunur ki, "omikron" ştamının müəyyən edilmiş halların əksəriyyəti asimptomatik olub və ya xəstələrdə yüngül və orta dərəcəli simptomlar müşahidə edilib.

"İlkin məlumatlara əsasən, peyvəndin "omikron" ştamına qarşı effektivliyinin azaldığın ehtimal etmək olar", - deyə təşkilatın yaydığı bəyanatda deyilir.