8 noyabr 2021-ci il tarixində Mərkəzi Gömrük Hospitalının tibb bacıları İ.M.Seçenov adına Birinci Moskva Dövlət Tibb Universitetinin Bakı filialının Tədris Simulyasiya Mərkəzində “Kritik vəziyyətlərdə ilk tibbi yardım” təlimində iştirak ediblər.

 

Aztibb.az xəbər verir ki, təlim Tədris Simulyasiya Mərkəzinin treneri Aynur Abbasəliyeva tərəfindən aparılıb. Xəstəxanayaqədərki dövrdə hadisə yerində zərərçəkənin həyatı ona göstərilən ilk yardımın keyfiyyətindən asılı olur.

 

Təlimdə qısa müddət ərzində yüksək səviyyəli ilk yardımın ardıcıl göstərilməsi, ilk tibbi yardımın nədən ibarət olması, hansı formatda aparılması, xəstələrin vəziyyətinin qiymətləndirilməsi, ürəyi və ya tənəffüsü dayanmış adama Cardio Ağciyər Resusitasyon (CPR)-nın tətbiqi barədə ətraflı məlumat verilib.

 

Tədbirin birinci hissəsində CPR-ın tətbiqinin göstərişləri, tezliyi, dərinliyi incəliklərinə qədər izah olunub, ikinci hissədə isə Mərkəzi Gömrük Hospitalının tibb bacıları izah edilən ilk tibbi yardım prosedrularını praktikada mulyajlar üzərində tətbiq ediblər. Tibb bacılarının bacarıqları kompüter proqramə vasitəsilə ballarla ölçülüb.

 

Mərkəzi Gömrük Hospitalının baş tibb bacısı Amaliya Əliyeva 89 bal, Vüsalə Cəbiyeva 88 bal, Fatimə Yusifzadə 77 bal, Fəxriyyə Səmədova 75 bal, Rühəngiz Axundova 89 bal, Günel Əhmədova 82 bal, Qalina Belyaninova 92 bal, Səadət Əfsərova 44 bal, Mahirə Ağayeva 89 bal və Gülbəniz Əliyeva 92 bal toplayıblar.

 

Qeyd edək ki, İ.M.Seçenov adına Birinci Moskva Dövlət Tibb Universitetinin Bakı filialının Bakı Sağlamlıq Mərkəzində Tədris Simulyasiya Mərkəzi tədris-təlim prosesində istifadə olunan yüksək texnologiyalı müasir robotlar və digər simulyasiya avadanlığı ilə təchiz olunub.