Prokuror "Yeni Klinika”nın sabiq əməkdaşına yenidən cəza istəyib    
08.12.2021 16:21

Bu gün Bakı Ağır Cinayətlər Məhkəməsində "Yeni Klinika” Publik Hüquqi Şəxsin sabiq direktoru Pərviz Abbasov və digərlərinin - Qalib Nəcəfov, Vüsalə Əliyeva, Əvəz Hüseynov və Samir Mirzəyev cinayət işi üzrə məhkəmə prosesi davam etdirilib.

 

Hakim Əfqan Hacıyevin sədrliyi ilə keçirilən prosesdə dövlət ittihamçısı təqsirləndirilən Vüsalə Əliyevanın hamilə olması barədə vəkili tərəfindən verilən ərizəni nəzərə alaraq hümanizm prinsiplərini əsas tutaraq ona şərti cəza verilməsini xahiş edib.

 

Daha sonra təqsirləndirilən P.Abbasov son sözlə çıxış edib. O, özünü təqsirli bilməyib və məhkəmədən ədalətlə hökm çıxarılmasını istəyib.

 

Digər təqsirləndirilən S.Mirzəyev, Ə.Hüseynov və Q.Nəcəfov da son sözlə çıxış ediblər. Onlar barələrində ədalətli qərarın çıxarılmasını xahiş ediblər.

 

Cinayət işi üzrə təqsirləndirilən V.Əliyeva səhhəti ilə bağlı olaraq, son sözə hazır olmadığını bildirib.

 

Növbəti proses dekabrın 15-nə təyin olunub.