Nilufər Məmmədova: "32 mutasiyalı “Omikron” daha təhlükəli ola bilər"
07.12.2021 15:28
 
Azərbaycan Tibb Universitetinin Yoluxucu xəstəliklər kafedrasının assistenti, həkim-infeksionist Nilufər Məmmədova “Omikron”un ölkəmizdə yayılma ehtimalı və əgər bu baş verərsə, qarşısının alınması istiqamətində görüləcək tədbirlərə dair fikirlərini bildirib.
 
N.Məmmədova qeyd edib ki, son vaxtlar COVID-19-un meydana çıxan yeni ştamları dünyanı bir daha təhdid etməkdədir. Belə ki, “Omikron” ştammı sürətlə yayılmaqdadır. Elə bu səbəbdən də artıq bir neçə ölkə karantin rejimlərini yenidən sərtləşdirib. Rəsmi qurumlar adıçəkilən ştamın hələlik ölkəmizdə aşkarlanmadığını bildirsələr də, bizdə də bu sahədə narahatlıqlar var.
 
Onun sözlərinə görə, “Omikron" bu günə kimi meydana çıxan variantlar arasında ən çox mutasiyaya uğrayanıdır. Xüsusən də spayk proteinində 32 mutasiyanın olması müəyyən edilib ki, bu da həmin variantı kifayət qədər təhlükəli vəziyyətə gətirib.
 
"Bu variantdan qorxma səbəblərimizdən biri də bu mutasiyaların nələrə səbəb ola biləcəyini öncədən müəyyənləşdirə bilməməyimizdir", - deyə bildirən həkim hazırda bunlar üzərində ciddi işlərin getdiyini, vaksinlərin mutasiyaya qarşı effektivliyinin yoxlanıldığını söyləyib.  O, lazım gələrsə vaksinlərin tərkibinin yenidən bu ştama qarşı effektiv hala gətiriləcəyinin planlaşdırıldığını da bildirib.
 
Mütəxəssis əlavə edib ki, yeni virus variantı payız-qış aylarına təsadüf etdiyi üçün digər yuxarı tənəffüs yolu xəstəliklərinin də artması qaçılmazdır: “Ona görə də yuxarı tənəffüs yollarına məxsus simptomları olan bir çox insanlar bunu koronavirusla deyil, başqa viral xəstəliklərlə, soyuqdəymələrlə əlaqələndirir və test verməkdən yayınırlar. "Omikron”la mübarizədə ən optimal yol əvvəlki kimi qorunma qaydalarına ciddi riayət etmək, insanların çox olduğu yerlərdən və zərərli vasitələrdən uzaq durmaqdır. Misal üçün, maskalardan düzgün qaydada istifadə, sosial məsafənin gözlənilməsi, qapalı məkanların havasının tez-tez dəyişdirilməsi, insanların sıx toplaşdığı məkanlardan bacardıqca kənar olmaq və gigiyena qaydalarına yetərincə əməl etmək mütləqdir. Hətta Ümumdünya Səhiyyə Təşkilatı insanlara məsləhət görür ki, ehtiyac olmadıqca evdən çıxılmasın. Virusun gedişatının necə olacağı hələ bilinməyərkən yaxın həftələr ərzində xüsusilə diqqətli olmalıyıq”.
 
İnfeksionist vətəndaşları peyvənd olunmağa çağırıb. Bildirib ki, əgər üçüncü doza vaksinin zamanı çatıbsa, immun sisteminin bu xəstəliyin ağır gedişinə qarşı qoruyuculuğunu artırmaq üçün mütləq “buster doza” qəbul edilməlidir. 
ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb
Qastroezofageal reflüks xəstəliyindən əziyyət çəkən pasiyent Diaqnoz Tibb Mərkəzində sağlamlığına qovuşub