Koronavirusun "omikron" ştamı hazırda 38 ölkədə aşkar edilib.

Aztibb.az-ın məlumatına görə, bu barədə Ümumdünya Səhiyyə Təşkilatının (ÜST) eksperti Mariya van Kerkxove bildirib.

Onun sözlərinə görə, söhbət ÜST-ün “hər altı regionunda” yerləşən dövlətlərdən gedir.

Ekspert bildirib ki, Cənubi Afrikadan gələn məlumata görə, orada virusa yoluxanların sayı artır:

"Omikron ştamının daha yüksək keçicilik səviyyəsinə malik olması ehtimalı var. Amma hələ də dünyada üstünlük təşkil edən “delta” variantı ilə müqayisədə onun az və ya çox yoluxucu olduğunu bilməliyik".