Qida Təhlükəsizliyi Agentliyi ölkəyə idxal olunan qida məhsullarına nəzarət tədbirlərini davam etdirir.

Agentliyin İnformasiya təminatı və innovativ həllər şöbəsindən Aztibb.az-a verilən məlumata görə, nəzarət tədbirləri çərçivəsində "Sky and Star Technologies" MMC-nin Hindistandan ölkəmizə idxal etdiyi “Enternitive Herbals PVT” LTD-yə məxsus bioloji fəallığa malik qida əlavəsinə keçirilən baxış zamanı uyğunsuzluqlar aşkar edilib.

Məhsullardan götürülən nümunələr Qida Təhlükəsizliyi İnstitutunun müvafiq laboratoriyasında müayinələrə cəlb edilib və idxal olunan məhsul partiyasında ağır metalın (Civə (Hg) kütlə payının qüvvədə olan texniki normativ aktların tələblərinə cavab vermədiyi, istehlaka yararsız olduğu müəyyən edilib.

Bununla əlaqədar olaraq qanunvericiliyə uyğun müvafiq tədbirlər görülüb.