Mərkəzi Gömrük Hospitalının tibb personalı 29 noyabr - 4 noyabr tarixlərində Avropa İttifaqının maliyyə dəstəyi ilə Ümumdünya Səhiyyə Təşkilatı (ÜST) tərəfindən həyata keçirilən təlim proqramında iştirak ediblər. ÜST-ün Azərbaycan Respublikası Səhiyyə Nazirliyi və TƏBİB-lə birgə əməkdaşlığı ilə həyata keçirilən təlimlər “Sağlamlıq üçün Həmrəylik Təşəbbüsü ” və "COVID-19 vaksinasiyasına dəstək" layihələri çərçivəsində təşkil edilib.

 

Aztibb.az xəbər verir ki, layihə çərçivəsində Mərkəzi Gömrük Hospitalının rəis müavini Rəna Qasımova, həkimləri Naidə Novruzova və Nigar Mirzəyeva, eləcə də rezidentləri Elşən Süleymanzadə və Günel Cəfərova "COVID-19 xəstələrinin stasionarda idarə olunması" təlimlərində, hospitalın tibb bacıları Təhminə Sultanova, Tamilla Rəcəbova və Nərmin Fərəcova "COVID-19 vaksinasiyası" təlimlərində, eləcə də hospitalın həkimi Gülər Nifətliyeva və rezidentləri Fərhad Həsənli, Diləfruz Bayramova, Mirvari Nəsirova və Aysel Novruzova isə "Basic Life Support - Təməl Həyat Dəstəyi” təlimlərində iştirak ediblər.

 

Davamlı şəkildə həyata keçiriləcək təlimlərə mərhələli olaraq personalın digər nümayəndələrinin də iştirakının təmin edilməsi planlaşdırılır.