Mərkəzi Gömrük Hospitalından Aztibb.az-a verilən məlumata görə, tibb müəssisələrinin hazırlıq səviyyəsinin artırılması ilə bağlı Türkiyə Respublikası Səhiyyə Nazirliyi, Fövqəladə Hallar üzrə Tibbi Departamentin direktoru Dr. Həsən Odabaşıoğlu geniş məruzə ilə çıxış edib. Təlim COVID-19 kontekstində xəstəxanalarda hazırlıq səviyyəsinin artırılması və bunun üçün ÜST-ün tədbirlər siyahısının istifadəsi mövzularını əhatə edib. Təlimin hədəf auditoriyası ölkənin aparıcı tibb müəssisələrinin, xüsusən COVID-19 xəstəxanalarının rəhbər vəzifəli şəxsləri olub.

  

Tədbirdə pandemiya dövründə tibb müəssisələrinin hazırlıq səviyyəsinin artırılması ilə bağlı gördüyü işlər, xəstəxanalarda fövqəladə hallara hazırlığın planlanması və bununla əlaqəli tədbirlər siyahısının hazırlanması, infeksiyaların profilaktikası və nəzarət və s. məsələlər müzakirə olunub. Təlimin sonunda tədbir iştirakçılar arasında təcrübə mübadiləsi aparılıb. 

 

DGK TXİ rəis müavini İsmayıl Əfəndiyev öz çıxışında bu kimi tədbirlərin keçirilməsinin vacibliyinə toxunub və yaxın gələcəkdə ÜST-ün "Fövqəladə hallarda səhiyyə sisteminin idarəolunması" adlı təliminin bərpasını təklif edib. Həmin təklif ÜST-ün beynəlxalq ekspertlərinin və tədbir iştirakçılarının müsbət rəyini alıb.