İstanbul Universiteti İstanbul Tibb fakültəsinin Cərrahiyyə Elmləri Bölməsinin Neyrocərrahiyyə üzrə elmi asistantı Ali Ekrem Adıyaman tibb sahəsində inqilab edəcək potensiala sahib bir texnologiya ilə bağlı araşdırma aparıb. İxtiraçı xüsusi növ eynəklərin cərrahiyyə əməliyyatlarında tətbiqini planlaşdırır.

Aztibb.az www.medimagazin.com.tr-yə istinadən xəbər verir ki, yeni texnologiya xəstələri radiasiyaya məruz qoymadan diaqnoz əldə etmək imkanı verir.

“Hazırda işimiz eksperimental mərhələdədir. Texnologiyanı təkmilləşdirmək üçün üzərində işləyirik. Layihəmiz artıq bəzi beynəlxalq mükafatlara layiq görülüb. Bu texnologiya hədəflədiyiniz nöqtəyə iynə ilə daxil olmaqla tətbiq edilir. Bundan təkcə oynaq inyeksiyaları üçün deyil, tutaq ki, qaraciyərin biopsiyasını aldıqda, yaxud neyrocərrahiyyədə də istifadə etmək mümkün olacaq. Kəllə qapalı bir qutu olduğundan bunu beyində də etmək daha asan olacaq”, – deyə türk həkim bildirib.

Texnologiyaya süni intellektin də əlavə edilməsi nəzərdə tutulur.